बहाई धर्मश्रद्धेत अब्दुल-बहांचे महत्त्वपूर्ण स्थान

त्यांच्या लिखाणातून आणि वेळोवळी त्यांच्या यात्रांच्या ‌दरम्यान अब्दुल-बहांनी अथकपणे बुद्धिवादी नेत्यांना आणि अगणित जनसमूहाला उद्देशून काही मूलभूत सत्यांची घोषणा केली. त्यात समाविष्ट आहेत: “परंपरा आणि अंधविश्वासापासून मुक्त पद्धतीने सत्याचा स्वतंत्रपणे शोध; संपूर्ण मानवजातीची एकता, जे बहाई विश्वधर्माचे मुख्य तत्व आणि मूलभूत सिद्धांत आहे; सर्व धर्मांची मूलभूत एकता; धार्मिक, वांशिक, जातीय किंवा राष्ट्रीय अशा सर्व प्रकारच्या पूर्वग्रहांचा निषेध; धर्म आणि विज्ञानात आवश्यक असणारे सामंजस्य; पुरुष आणि स्त्रियांची समानता, दोन पंख ज्यावर मानवजातीचा पक्षी भरारी मारण्यास सक्षम असेल; अनिवार्य शालेय शिक्षणाची लागवण; एक आंतरराष्ट्रीय दुय्यम भाषेचा स्वीकार; अत्याधिक गरिबी व अत्याधिक श्रीमंतीचे उच्चाटन; वेगवेगळ्या राष्ट्रांमधील विवादांचे निरासरण करण्यासाठी एका जागतिक न्यायाधिकरण संस्थेची स्थापना; सेवाभावनेतून केलेल्या कामाला उपासनेचा दर्जा; मानवी समाजातील सत्ताधारी तत्त्व म्हणून ‘न्यायाचे’ गौरव, आणि सर्व लोकांच्या आणि राष्ट्रांच्या संरक्षणासाठी धर्म एक अत्यंत मजबूत आधार; आणि सर्व मानवजातीचे सर्वोच्च ध्येय म्हणून चिरस्थाई आणि वैश्विक शांततेची स्थापना.”

अब्दुल-बहांनी वेळोवेळी ही पुष्टि केली होती की ते “शांतता आणि सलोख्याच्या संदेशाचे दूत आहेत”, “मानवतेच्या एकतेचे पक्षधार आहेत”, आणि मानवतेला “परमेश्वराच्या साम्राज्याकडे” घेवून जाणारे मध्यस्त आहेत.

त्यांना सर्वाधिकार दिल्यानंतरही अब्दुल-बहांनी नेहमी हे स्पष्ट केले‌ की बहाउल्लाह त्यांच्या विचारप्रवाहाचे उगम आहेत. अमेरिकेतील त्यांच्या अनुयायांना लिहिलेल्या एका पत्रात ते लिहतात: “माझे नाव आहे अब्दुल-बहा (शब्दशः ‘बहाउल्लाह ह्यांचे सेवक’), माझी ओळख आहे अब्दुल-बहा, माझी पात्रता आहे अब्दुल-बहा, माझी वास्तविकता आहे अब्दुल-बहा, माझी स्तुती आहे अब्दुल-बहा. अनुग्रहित पूर्णत्वासाठी (बहाउल्लाह ) दास्यत्व हे माझे वैभवशाली व तेजोमय राजमुकुट, सर्व मानववंशासाठी दासता हा आहे माझा चिरंतन धर्म…. अब्दुल-बहा शिवाय मला कोणतेही नाव नाही, उपाधि नाही, स्तवन नाही, प्रशंसा नाही किंवा कदापि असणार नाही. ही आहे माझी आकांक्षा. ही आहे माझी अतिमहान उत्कंठा. हे आहे माझे अमर जीवन. हे आहे माझे अविनाशी वैभव.”